ຄຳເວົ້າງ່າຍໆທີ່ປະກາດຕໍ່ໂລກວ່າ: ເປັນນາຍຕົນເອງ ມີອິດສະຫຼະ. ຕົວຈິງມັນບໍ່ໄດ້ງ່າຍຄືທີ່ຄິດ. ເພາະຖ້າເປັນແນວນັ້ນ, ແມ່ນໃຜໆກະຄົງເຮັດທຸລະກິດ. ທຸລະກິດຂະໜາດນ້ອຍ ແມ່ນການຫັນປ່ຽນແນວຄິດຈາກພະນັກງານ, ຫຼື ງານຫວ່າງ ມາເປັນເຈົ້າຂອງທຸລະກິດ ຫຼື ຜູ້ປະກອບການ.
ປະໂຫຍກທີ່ວ່າ “ທຸລະກິດຂະໜາດນ້ອຍ” ແມ່ນການຄວາມເປັນເອກະລາດ. ມັນປະກາດໃຫ້ຄອບຄົວ, ໝູ່ ເພື່ອນ, ນາຍຈ້າງຂອງທ່ານ, ແລະ ອື່ນໆ ໄດ້ເຫັນສັກກາຍະພາບການບໍລິຫານ ແລະ ລ້ຽງຊີບຕົນເອງ. ມັນແມ່ນທຸລະກິດລ້ຽງຊີວິດທັງຄອບຄົວ. ມັນແມ່ນສິ່ງທີ່ຄວນພາກພູມໃຈ ແລະ ທ່ານຄວນເລົ່າເລື່ອງລາວການຜ່ານຜ່າອຸປະສັກທາງທຸລະກິດແກ່ລູກຫຼານຟັງ.
ຖ້າຫາກການເຮັດທຸລະກິດມັນຫຼາຍກວ່າຄຳວ່າຫາເງິນ, ຢາກໃຫ້ລອງເບິ່ງ
ເຈົ້າຂອງທຸລະກິດຂະໜາດນ້ອຍ ແລະ ຜູ້ປະກອບການສ່ວນຫຼາຍ ອາດຈະບອກທ່ານໃນຊ່ວງເວລາທີ່ພວກເຂົາຂ້າມມາເປັນເຈົ້າຂອງທຸລະກິດເຕັມຕົວ. ມັນເປັນຊ່ວງເວລາທີ່ຜູ້ປະກອບການສ່ວນໃຫຍ່ບໍ່ເຄີຍລືມ. ມັນແມ່ນຊ່ວງເວລາທີ່ເຕັມໄປດ້ວຍຄວາມວິຕົກກັງວົນ ແລະ ຄວາມສົງໄສ ແລະ ອາດເປັນການຕັດສິນໃຈທີ່ໃຫຍ່ທີ່ສຸດທີ່ພວກເຂົາເຄີຍເຮັດ.
ໃນບົດຄວາມການຫັນມາເປັນຜູ້ປະກອບການຄົນໜຶ່ງໄດ້ກ່າວວ່າ: “ການຕັດສິນໃຈທີ່ຈະເລີ່ມຕົ້ນທຸລະກິດຂະໜາດ ນ້ອຍຂອງຂ້ອຍເອງແມ່ນກ່ຽວຂ້ອງກັບການເປີດຕາຂອງຂ້ອຍຢ່າງກວ້າງຂວາງໃນບາງຈຸດ ແລະບີບໃຫ້ພວກເຂົາປິດການຮ່ວມຢູ່ກັບສະພາບເກົ່າໆ ສູ່ສະພາບໃໝ່. ໝາຍວ່າເພັ້ງໃສ່ເປົ້າໝາຍ. ນັ້ນແມ່ນຍ້ອນວ່າ ການເຮັດວຽກໃນທຸລະກິດຂອງຕົນເອງ ແມ່ນການເຂົ້າໄປຄົ້ນຄ້ວາຄວາມຮັ່ງມີຂອງການຮຽນຮູ້ ແລະ ສຶກສາການຕັດສິນໃຈທີ່ຈະເຮັດໃຫ້ຜູ້ປະກອບການ ຕ້ອງປະຕິເສດຄວາມລົ້ມເຫວຢ່າງແຮງກ້າ ແລະ ປະຕິເສດຄວາມຢ້ານກົວ ແລະ ຄວາມສົງໄສທີ່ເກີດຂື້ນ. ນີ້ບໍ່ແມ່ນການກ້າວກະໂດດຂອງຄວາມເຊື່ອສຳລັບຄົນທົ່ວໆໄປ, ແຕ່ເປັນການຍ່າງ, ການຕັດສິນໃຈທີ່ຈະກ້າວໄປສູ່ບາດກ້າວໜຶ່ງຕໍ່ໄປ ເພື່ອເບິ່ງແນວຄວາມຄິດ ທີ່ຈະເຕີບໃຫຍ່ແລະກາຍເປັນລາຍຮັບທາງການເງິນລ້ຽງຊີບ” ເຂົາເຈົ້າຕ້ອງ ໄດ້ມີການຕັດສິນໃຈ ເລືອກເຮັດໃນສິ່ງທີ່ຖືກຕ້ອງ ແລະ ເພື່ອທຸລະກິດ.
ຫາກທ່ານຕັດສິນໃຈເຮັດທຸລະກິດ, ຄວາມຮູ້ສຶກດັ່ງກ່າວ ທ່ານບໍ່ແມ່ນຄົນໆດຽວທີ່ຮູ້ສຶກແນວນັ້ນ. ດຽວນີ້, ມີຜູ້ປະກອບການຫຼາຍຮ້ອຍຄົນ ທີ່ໄດ້ຕັດສິນໃຈເຮັດທຸລະກິດ ແລະ ກຳລັງຕິດຕາມການເດີນທາງການກາຍເປັນຜູ້ປະກອບການທີ່ປະສົບຜົນສຳເລັດ ອັນເຕັມໄປດ້ວຍຄວາມທ້າທາຍນາໆປະການ.
ໃນເວັບໄຊ໊ www.norkhame.com ເລັງເຫັນຄວາມສຳຄັນ ແລະ ພະຍາຍາມພັກດັນຜູ້ປະກອບການ ໃຫ້ສາມາດບັນລຸຜົນໃນເປົ້າໝາຍທາງທຸລະກິດ. ນອກນັ້ນຍັງມີ ExportingLaos.com ທີ່ຈະເປັນຕົວພັກດັນທຸລະກິດລາວອອກສູ່ສາຍຕາສາກົນ. ທ່ານສາມາດຮັບຮູ້ທັກສະ ແລະ ຄວາມຮູ້ທັນຍຸກໃນການປັບປຸງທຸລະກິດ. ພວກເຮົາພ້ອໃແລ້ວຈະຮ່ວມກັບການເດີນທາງທາງທຸລະກິດ.
ທ່ານມີຄຳແນະນຳໃດຕື່ມອີກບໍ່ໃນຫົວຂໍ້ນີ້ ຫຼື ມີປະສົບການທີ່ແຕກຕ່າງຈາກນີ້, ຊ່ວຍແບ່ງປັນປະສົບການນັ້ນໃນທີ່ນີ້ດ້ວຍ ເພື່ອເປັນການໃຫ້ຄົນອື່ນໄດ້ຮຽນຮູ້ນຳກັນ.