ໃຜໆກະໜ້າຈະຮູ້ວ່າ: ທຸລະກິດຕ້ອງຮັບໃຊ້ລູກຄ້າ. ແຕ່ຈະເຮັດແນວໃດໃຫ້ໄດ້ໃຈເຂົາ? ມັນຕ້ອງໃຊ້ເວລາໃນການຮຽນຮູ້ ເພື່ອເຮັດໃຫ້ລູກຄ້າມີຄວາມພໍໃຈ. ນີ້ຄືສີສັນຂອງການເຮັດທຸລະກິດ.
ໃນຖານະເປັນເຈົ້າຂອງທຸລະກິດ, ສ່ວນໜຶ່ງຂອງວຽກແມ່ນການບໍລິການລູກຄ້າທີ່ດີເລີດ ໂດຍການເອົາການບໍລິການ ແລະ ສິນຄ້າເຮັດໃຫ້ຄົນນຳໃຊ້ຢ່າງເປັນສຸກ. ແຕ່ຢ່າປ່ອຍໃຫ້ແນວຄິດນີ້ ກາຍເປັນຄວາມກົດດັນ. ທ່ານມີຫຼາຍວິທີສ້າງຄວາມພໍໃຈໃຫ້ກັບລູກຄ້າ.
ຖ້າໄດ້ພະຍາຍາມໃສ່ໃຈກັບທຸກໆຄົນແລ້ວ, ຫາກເຂົາບໍ່ພໍໃຈ ກະໝາຍວ່າເຂົາອາດບໍ່ແມ່ນລູກຄ້າເປົ້າໝາຍຂອງເຮົາ
1. ຢ່າຢ້ານທີ່ຈະເວົ້າວ່າຂ້ອຍຂໍໂທດ
ຂໍໂທດແມ່ນການຮັບຄວາມຜິດພາດໃນການບໍລິການ “ຂ້ອຍຂໍອະໄພ ສຳລັບຄວາມບໍ່ສະດວກສະບາຍຂອງເຈົ້າ” ການເວົ້າແນວນັ້ນທັນທີໃນເວລາ ສັງເກດເຫັນລູກຄ້າບໍ່ພໍໃຈ, ຈະເຮັດໃຫ້ລູກຄ້າຄຳນຶ່ງເຖິງການຮັບຮູ້ຄວາມຕ້ອງການຂອງເຂົາເຈົ້າໃນການໃຫ້ບໍລິການ ແລະ ເປັນການສົ່ງສັນຍານວ່າ ພະນັກງານຂອງທ່ານກຳລັງ ຊອກຫາວິທີແກ້ໄຂທີ່ ເໝາະສົມກັບບັນຫານັ້ນໆ. ບໍ່ວ່າບັນຫາແມ່ນຄວາມຜິດຂອງທ່ານຫຼືບໍ່, ຈົ່ງຫ່ວງໃຍລູກຄ້າຂອງທ່ານ ແລະ ຢ່າຢ້ານທີ່ຈະຂໍໂທດ ແລະ ຢ່າເສຍເວລາໃນການຄິດທີ່ຈະເວົ້າຄຳປະເພດນີ້ອອກມາ ໃນຍາມຈຳເປັນ.
2. ເຂົ້າໃຈສິ່ງທີ່ຜິດພາດ
ໃຫ້ເວລາແກ່ລູກຄ້າເພື່ອອະທິບາຍສິ່ງທີ່ເກີດຂື້ນ ເພື່ອຊັກຊວນເຂົາເຈົ້າ ອອກຈາກອາການຄວາມຜິດຫວັງ. ກ່ອນອື່ນໝົດ, ຖ້າທ່ານບໍ່ມີເວລາຟັງ, ພວກເຂົາຄວນລົມກັບຜູ້ໃດຜູ້ໜຶ່ງ ໃນການໃຫ້ຂໍໍ້ມູນ. ທ່ານຕ້ອງຮູ້ຢ່າງແນ່ນອນວ່າມີຫຍັງເກີດຂື້ນເພື່ອປ້ອງກັນບໍ່ໃຫ້ມັນເກີດຂື້ນໃນອະນາຄົດ.
3. ແກ້ໄຂຄຳຮ້ອງທຸກ
ຮຽນຮູ້ສິນລະປະຂອງການຮັບຟັງ. ຖ້າທ່ານ ພົບລູກຄ້າທີ່ ກຳລັງຈົ່ມດ່າຢູ່ທີ່ຫ້ອງການ ຫຼື ທາງໂທລະສັບ, ໃຫ້ຄົນອື່ນຮັບໂທລະສັບ ຫລື ປ່ອຍໃຫ້ຄົນອື່ນຮັບກ່ອນ. ຖ້າທ່ານໄດ້ຮັບຄຳຮ້ອງທຸກຂອງລູກຄ້າຜ່ານທາງອີເມວ, ຄວນຕອບພາຍໃນສາມມື້. ຄຳເຫັນ ແລະ ຄຳຮ້ອງທຸກໃນແງ່ລົບຕ້ອງການຄວາມເອົາໃຈໃສ່ຂອງທ່ານທັນທີ. ສະນັ້ນຈົ່ງປະຕິບັດໃຫ້ເຂົາເຈົ້າຄືກັບເຫດສຸກເສີນທີ່ພວກເຂົາມີ.
4. ຈັດສົ່ງຕາມຄຳສັນຍາ
ຖ້າທ່ານຕອບສະໜອງ ຄວາມຄາດຫວັງຂອງລູກຄ້າຂອງທ່ານໃນທຸກໆຄັ້ງໄດ້ດີມີມາດຖານ, ທ່ານສາມາດຫລີກລ້ຽງບັນຫາຫຼາຍຢ່າງໃນເບື້ອງຕົ້ນ. ພ້ອມກັນນັ້ນ, ຖ້າທ່ານສັນຍາວ່າຈະໃຫ້ຂອງລາງວັນ ແກ່ລູກຄ້າຂອງທ່ານ, ທ່ານກໍ່ຕ້ອງເຮັດແນວນັ້ນແທ້ໆ ເພື່ອເຮັດໃຫ້ເຂົາເຈົ້າສັດທາໃນຮູບແບບການເຮັດທຸລະກິດຂອງທ່ານ.
5. ເປັນເຈົ້າຂອງຄວາມຜິດພາດ
ບໍ່ຄວນຖືວ່າລູກຄ້າຂອງທ່ານບໍ່ສົນໃຈກັບສິ່ງທີ່ກຳລັງເຮັດການແກ້ໄຂຢູ່ເບື້ອງຫລັງ. ຢ່າໂທດຄົນອື່ນ ສຳລັບຄວາມຜິດພາດຂອງທ່ານຫຼື ແກ້ຕົວສຳລັບຄວາມຜິດພາດຂອງທ່ານ. ການທີ່ບໍ່ຮັບຄວາມຜິດ, ມັນເປັນການເພີ່ມການໃສ່ຮ້າຍແກ່ທຸລະກິດຕົວທ່ານເອງ. ພຽງແຕ່ຮັບຮູ້ຄວາມຜິດພາດ ແລະ ເຮັດໃນສິ່ງທີ່ທ່ານສາມາດເຮັດໄດ້ໃຫ້ຖືກຕ້ອງ.
6. ສ້າງຄວາມເຂັ້ມແຂງໃຫ້ພະນັກງານຂອງທ່ານ
ບໍ່ມີສິ່ງໃດທີ່ເຮັດໃຫ້ລູກຄ້າໃຈຮ້າຍຫຼາຍກວ່າ ພະນັກງານບໍ່ໃສ່ໃຈບັນຫາ. ໃຫ້ສອນພະນັກງານຮັບການແກ້ໄຂແກ່ລູກຈ້າງຂອງທ່ານເພື່ອເຮັດໃຫ້ລູກຄ້າມີຄວາມສຸກຫຼາຍເທົ່າທີ່ຈະເປັນໄປໄດ້.
7. ຮັບຮູ້ບາງຄົນບໍ່ເຄີຍມີຄວາມສຸກ
ລູກຄ້າບາງຄົນຈະບໍ່ພໍໃຈບໍ່ວ່າທ່ານຈະເວົ້າວ່າຂໍໂທດຫຼາຍໆເທົ່າໃດຫຼືທ່ານໄດ້ສະເໜີວິທີການແກ້ໄຂບັນຫາຫຼາຍເທົ່າໃດ. ຢ່າປ່ອຍໃຫ້ຄົນເຫຼົ່ານີ້ມີຜົນກະທົບຕໍ່ວິທີທີ່ທ່ານເຮັດທຸລະກິດກັບລູກຄ້າທີ່ເຫຼືອຂອງທ່ານ. ໃຫ້ສິ່ງທີ່ທ່ານບໍ່ສາມາດປ່ຽນແປງເປັນໄປຕາມຕົວຈິງ ແລະຊົດເຊີຍລູກຄ້າທີ່ເຫຼືອຂອງທ່ານດ້ວຍຮອຍຍິ້ມທີ່ເປັນມິດ. ສຳລັບລູກຄ້າທີ່ບໍ່ພໍໃຈຕໍ່ກັບການບໍລິການຫຍັງເລີຍ ກະອາດເອີ້ນເຂົາວ່າ “ບໍ່ແມ່ນລູກຄ້າເປົ້າໝາຍ” ເຊັ່ນ: ຖ້າຮ້ານອາຫານຂອງທ່ານ ມີສູດອາຫານທີ່ແນ່ນອນໃນການປຸງແຕ່ງ, ການລົດເຄື່ອງປຸງອາດເປັນໄປໄດ່ຍາກຫຼາຍ ໃຫ້ໄດ້ຄາມຄວາມຕ້ອງການ ເພາະໃນທີ່ສຸດເຮົາບໍ່ຮູ້ວ່າເຂົາຕ້ອງການໃຫ້ລົດຫຼາຍປານໃດ ຈິ່ງຈະພໍດີ?
ທ່ານມີຄຳແນະນຳໃດຕື່ມອີກບໍ່ໃນຫົວຂໍ້ນີ້ ຫຼື ມີປະສົບການທີ່ແຕກຕ່າງຈາກນີ້, ຊ່ວຍແບ່ງປັນປະສົບການນັ້ນໃນທີ່ນີ້ດ້ວຍ ເພື່ອເປັນການໃຫ້ຄົນອື່ນໄດ້ຮຽນຮູ້ນຳກັນ.
